معنى ذو قصه

موضوع: معنى ذو قصه الجمعة ديسمبر 05, 2008 10:06 am

سلام عليكم

لي يانا وياكم خير لفانا ولفاكم وشر تعادنا وتعداكم ....زووور ابن الزرزوور الي عمره
ماجذب ولا حلف زور ذبح بقه وترك سبعة جدوووور وخلا اللحوم و
الشحوم على الصواني تدور ....

كان ياما كان في قديم الزمان كان في ملك وعنده وزير وهل الوزير عنده
لزمه دايما يقولها كل ما صار شي وهي ""لعله خير ""

ويوم من الايام هالملك كان ما ادري شي يقص ولا يحوش صبعه
وانجرح قال حق الوزير ولا يقول " لعله خير ""
ويعصب جلالة الملك ويقوله الحين انا متعور وانتا
تقول لعله خير صج انك ما تستحي ""قال الملك ""ومن
ثم حذفه بالسجن عقابا له واخونا الوزير هم رد وقال لزمته ""لعله خير ""....

وبعد جم يوم قرر هالملك ان يطلع في رحلة صيد وكل مره كان ياخذ
هالوزير معاه بس هالمره طلع بروحه طبعا ..
بينما الملك يتجول ويقنص وصل عند جماعه مشركين ولا يا خذونه اهو وجم واحد
من الي لقوهم اسرى لان حزتها كانوا يبون يقدمون قربان حق آلهتهم وصلوا حق صاحبنا الملك وقعدوا يجيكون عليه ويفحصونه ولا يبطلون
منه ... انزين ليش (باستغراب) ؟؟""قال الملك "" ولا
يقولوله لانك معيوب اي فيك عيب صبعك مقصوص واحنا ما نقدم قربان معيوب حق
آلهتنا لازم نقدم قربان عدل ومافي اي عيب ..واعفواا عنه واتركوه بحاله بينما
ذبحوا الاخرين وراحوا من كيس اهلهم ""على قولتنا ""

...ورد الملك وفكر بالي صار وتذكر كلام الوزير لما انقص صباعوو وعرف شنواهو الخير لما انقص
صبعه ...بس زادت حيرته من نفس الكلمه لما قال قطوه بالسجن
وقال الوزير "لعله خير "

وصل حق القصر وراح للسجن وقاله القصه وسأله ليش لما حذفتك بالسجن قلت "لعله خير" ؟؟؟
قال: لاني لو مو محذوف بالسجن جان رحت معاك كالعاده وبالتالي جان الجماعه الي شفتهم
وخذوني انا قربان بما اني سليم ومو معيوب ..

هالقصه سمعتها و حبيت اقولكم اياها لما فيه من معنى

ثقواا يا جماعه ان كل الي يصير لنا خير والله له حكمه بكل شي وانتو بنفسكم
ممكن تكتشفون حكمة الخالق بالي يصير لكم بعد وقت
" فعسى ان تكرهو ا شيئا وهو خير لكم ""

قول لي شرايكم بالقصه وشنو تعليقاتكم والي صارله موقف مشابه خل يقولنا
نستفيد مت تجارب بعض

تحياتي

مشكورة وايد miss eng *

على القصة الحلوة

عن النبي صلى الله عليه وسلم
:" عجبا للمؤمن ان امره كله له خير ..حتى الشوكة يشاكها فيصبر فتكون له اجر .. ""

الواحد المفروض ما يقنط من اللي يصيبه فهذا كله من قدر الله..

ويسلمووووووووووووو
miss eng *

موضوع: رد: معنى ذو قصه السبت ديسمبر 06, 2008 5:28 am

حياك الله فواز

مشكووووور على مرورك الروعه
وكلامك عين الصواب
دايما الخيره فيما اختاره الله
والله يردك لنا سالم غانم ان شالله

موضوع: رد: معنى ذو قصه السبت ديسمبر 06, 2008 9:50 am

قريت موضوعج من قبل ^_^

مشكوره مس ع الموضوع الحلو؛p

موضوع: رد: معنى ذو قصه السبت ديسمبر 06, 2008 4:12 pm

يسلموو مس انج عالقصة المفيدة Smile

موضوع: رد: معنى ذو قصه السبت ديسمبر 06, 2008 6:23 pm

مشكورة على القصه المفيدة

موضوع: رد: معنى ذو قصه السبت ديسمبر 06, 2008 10:12 pm

مشكووووووووووووووووووووورة خيتووو على القصه

» كلامله معنى
» هل تعرف اسم او معنى سيارتك بالعربي ؟!