يالله .. نبدي ..

مسكني محمد حسيت بقبضه
لكن لا شعوريا أبعدت إيدي عنه واتجهت جهة الدكتور و قتله: هااااا دكتور اشفيه ابوي ..

الدكتور : و الله اخوي ابوك ماعليه خطر بس يحتاج تبرع بكليه
قلت : انا أعطيه كليتي اخذوها ما بيها ابي ابوي بس ..
محمد قالي ان شاء الله يكون ابوك بخير
الدكتور : نبي احد يتبرع
قتله: انا....... قالي : مافيك سكر ولا مرض معين,, قتله: لا سليم الحمد الله
قالي خلاص نشوف الحين يالله تعال معانا
المهم قال محمد : لازم يصير عند اهله خبر
الدكتور : أي خلاص تقدر تقول لهم.. المهم قال محمد : أحمد ممكن تيي شوي

قلت : آمر محمد
محمد : افضل انت تدق على اهلك أنت و تهون عليهم و تقول ماكو إلا العافيه لأنه امك حييل منهاره و خايفه
أنا : إن شاء الله .......
المهم الدكتور فحصني و بعدها قال الدكتور: أحمد تقدر ترووح البيت و تستريح بس لا تاكل لمده 12 ساعه
قلت : إن شاء الله متى تسوي العملية قالي باجر الصبح بإذن الله الحين بليل روح ريّح

المهم يت امي زارت ابوي و كان محد يدري اني بسوي عمليه إلا محمد ..
كان محمد بره في الممر يتمشي المهم انا طلعت قبل أمي و شفت محمد و قتله ها يا محمد جنك تفكر
قالي أطلبك طلب بس لا تردني : قتله آمر أنت تأمر أمر
قالي : أحمد انا ادري راح ترفض و ..... و قاطعته : لا عادي مراح ارفض طلبك
محمد غمض عينه و مسك ايدي و فتحها و كنت حاس بعيونه الإصرار الشديد على طلبه
محمد : خلني اتبرع لأبوك بدالك .. انت وعدتني مراح ترفض
بلعت ريجي و كمل محمد كلامه : أنت توك صغير يا أحمد عمرك 18 توك ياخذون كليتك خلني انا اتبرع بكليتي و انت راح تتعب و عليك باجر امتحان كالكوليس ( حسبان )
قلت : بس اناا...
محمد قاطعني : أحمد طلبتك و انت ماتبي ترفضلي طلب
المهم مع الاقناع المستمر لاني ناسي بعض الحوار ما اتذكره فالمهم وافقت بعد ألحاح شديد وقالي : لا تقول لاحد اني تبرعت خله سر بيني و بينك
المهم قتله خبّر اهلك ... قالي : لا انا بقولهم عندي شغل و بروح لمده 3 أيام و أمي مراح تسأل وايد
اما انت فأنت ولدهم الوحيد لو يسير فيك شيء من العمليه صدقني راح تنهار أمك اما انا فعندي اخوان فهمت يا أحمد
المهم دمعت عيني لطيبة هالانسان و مديت ذراعي له و حاوطته ( لميته ) و اهو طبطب على ظهري قالي أحمد لا يضيق خلقك انا سعيد اني بساعدك
المهم راح محمد معاي و كلم الدكتور و اتفقنا على العمليه المهم مر الليل و انا بالبيت افكر و شاغل بالي (( محمد )) هالانسان اللي ما عبس بويهي يوم و ابتسم دايما بويهي و عرفته بطيبة قلبه و هدوووءه و سمته و حرصه على الدين

دمعت عيني و انا كنت قاعد على الفراش ماياني النوم كنت تمنيت لو رفضت و ماابي يسير فيه شيء بسبتي المهم مر الليل ثقيل يقمت القلب
المهم و انا شارد في التفكير و لا اسمع صوت الأذان و صراحه اول مره اسمع هالصوت بانصات و ترديد ورا الأذان كنت اسمعه لكن ما حسيت بطعمه و كنت كلما يقول المؤذن الله أكبر كنت أبجي و دموعي تنزل بغزاره
نعم الله اكبر آآآآه يا الله أجب دعائي يارب احفظ محمد و نجح العمليه يا رب فأنت الجبار القادر على كل شيء
اللهم اجبر مصيبتنا يارب أشفي أبي و نجح عمليته و نجح عمليه محمد يارب يارب و كنت ادعو و أبجي

و كنت أصيح بقوه كأني طفل
و انا ادعو بين الأذان و الاقامه سمعت طرق بالباب مسحت دموعي و قمت غسلت ويهي بسرعه و فتحت الباب
امي : أحمد محمد يبيك بره يقول ياليت يعجل
قلت : إن شاء الله بتوضأ و أييه قولوله صبر يايك
المهم توضيت و انا اتوضأ قعدة افكر شنو يبي محمد مني
المهم طلعت و قابلني و سبحان الله نووور ما بعده نووور سبحان الله نور بوجهه قتله هلا فيك محمد
قالي : أحمد تعال أبي أروح معاك المسجد
قلت مو مشكله تعال بركبك معاي

محمد : يالله عاد محرر سيارتي هههههههههههههههههه
قلت : لا طفها تعال عندي بركبك معاي بالسياره
طبعا كنت شاري الهمر صارله 4 أيام و كانت يديدة و ما طلّعت أحد فيها و استفتحتها بمحمد الطيب و كنت ناوي أروح فيها استار بوكس مع ربعي و قدّر ربي يكون محمد أولهم
جلسنا بالهمر و قعد يهلل و يباركلي فيها و يقولي تستاهلها
و شكرته و سألني عن سعرها و قالي: اكيد غاليه لانه الغالي ما ياخذ إلا الغالي
الله هالكلمه عصرت قلبي و قتله انت الغالي و الله و شريتها 27 ألف لكن تشرفت بدخول الغالي محمد
ضحكنا و بدا يتغشمر معاي و كان حده مرح و طيب و صادق و مزحه يدخل القلب بكل سهوله

كان محمد هالانسان الطيب اللي ما أوصف اشكثر وقف معاي
قلت : محمد أنت نمت أمس بالليل؟؟
قالي : لا ما ياني نووم
قلت : نفسي .. تصدق كنت افكر
و المهم كل واحد قال شنو سوّا المهم ألحيت على محمد يقولي شنو سوه قالي : كنت أقيم الليل و ادعو إن الله يسهل عمليه عمي و يطلع بالسلامه
شكرته وايد و بعده و صلنا للمسجد
دخلت و اول مره احس بطعم الأيمان مع صاحبي محمد كبرنا و بدينا نصلي ... قرء الإمام آية لي الحين ترن بإذني قال ))
(( قل يا عبادي الذين أسرفوا على انفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم ، و أنيبوا إلى ربكم و أسلموا له من قبل أن يأتيكم العذاب ثم لا تنصرون ،، و اتّبعوا أحسن ما أنزل إليكم من ربكم من قبل أن يأتيكم العذاب بغتتا و انتم لا تشعرون و إن تقول يا نفس يا حسرتا على ما فرطت في جنب الله و إن كنت لمن الساخرين )) سورة الزمر
بلا شعور بدأت بالبكاء
و شعرت اني أسرفت بالذنوب نعم لهيت عن القرآن و صلاتي أصليها لكن عندما انتهي من عملي او مثل ما يقولون لما اخلص اللي بيدي... كنت متساهل صراحه احس بالذنب

طلعنا من المسجد و محمد ما علق ولا قال شيء كان ساكت ما ادري ليش !!
ركبنا السياره و غلب علينا الهدووء لين وصلنا... نزل محمد بهدوء و سلم عليّ و دخلت البيت و احس جني طاير ما ادري ليش احس ببرووده بجسمي و احس ببراااد يلفح ويهي فتحت باب داري و رميت جسمي على السرير قعدت افكر و أفكر
ببوي
بمحمد
بأصحابي
كل هذولا فكرت فيهم لين ياني النوم و نمت
صحيت إلا الساعه 12 الظهر
شنو 12 ؟؟؟؟؟؟؟؟؟؟!!!!!!!!!

أخخخ
أبووووي و محمد عمليتهم الصبح
شصااار الحين ؟؟؟
نزلت من الدرج و ناديت امي و اخواتي ولا احد بالبيت> البيت فاضي !!!!
صوّت ولاّ تطلع الخدامه : احمد ليش انتا ما يروح؟؟
قتلها : وين ماما
قالتلي : ماما روح طبيب مع بنات
طبعا صعدت و لبست اهدومي و طلعت ورحت المستشفى لما وصلت
دخلت بسرعه ولا اشوف امي تبجي و اهي مع خواتي
!!!!!!!!!!!!!!!!!!!!!!!!!!!!!!!!!
!!!!؟؟؟؟؟؟؟؟؟؟؟؟
و بعصبيه
شصاااار ؟؟؟!!
أبوي و محمد شلووونهم ؟؟؟

.......

مسكت اهدوم امي و قلت لها أبوي اشلونه ؟؟
قالتلي انا ما ادري أصلا انا ابجي خايفه عليه ..العمليه طولت

يعني الحين هم يسوون العمليه حق ابوي عيل محمد خلصت عمليته وين محمد يما
أمي : محمد ؟؟ شكو محمد ؟؟
ويييه ما يدروون انا الخبل فظحت نفسي
أهاااا
خلاص وركضت جهت الاستعلامات علشان اعرف وين غرفته
و قالولي بالطابق الفلاني
المهم رحت وصلت الغرفة و هذي ثاني مره ازور محمد بالمستشفى المهم دخلت الغرفه بعد ما طقيت الباب و كان نايم محمد
وصلت عند راسه و يتني ابتسامه أنه بخير الحمد الله
قعدت على الكرسي بهدوووء قعدت اتأمل بوجهه الصافي اللي نور بوجهه سبحان الله
مرت تقريبا ساعه و سمعت نبأ انتهاء العمليه طلعت من الغرفه ورحت عند امي سألتها قالتلي انه انجحت العمليه الحمد الله و هو بخير بفضل الله ثم بفضل اللي تبرع له
سألتني امي : منو تبرع لبوك؟؟
تهربت : ما ادري وهو بإذن الله مأجور
امي : لا انا بشكره صراحه و ابيك توصل له شكري......... قلت لها : و انا اشعرفني فيه ؟؟
المهم قعدنا عند ابوي مده وقال الطبيب تقدرون تطلعون يحتاج إنه يرتاح شوي
المهم طلعنا و قالت امي برد البيت بزهب اغراض أبوك المهم قلت لها انا بقعد شوي المهم قالت خلاص انا بروح مع البنات
راحواو انا كنت بالمستشفى أفكر جان أفكر اروح لمحمد
رحت غرفته دخلت و شفته نايم قعدت عنده ولا أشوف يم سريره مصحف ..ما ادري شدني هالمصحف و مسكته و بديت اقلب صفحاته لين عثرت على سورة التوبه بديت اقراها و كنت اقرى بصوت واطي لكن مسموع
و انا اقرى ما انتبهت للوقت ولا مرت ساعه من وجودي داخل الغرفه و قرائتي للسوره و طبعا طالعت محمد ولا أشوفه يطالعني بعين نعسانه و يبتسم و حسيت وده يقولي شيء المهم قربت منه و قتله هاا يا محمد شلونك عسااك بخير
ابتسم و هز راسه و قالي بصوت مبحوح : الحمد الله
المهم بديت أسولف معاه بمرح و اهو مستانس و لا يقولي أحمد شلون ابوك قتله الحمد الله بخير و عافيه بس الحين نايم ههههه
محمد : ما قتلي شلون امتحانك الكالكولس ؟؟
أخ
امتحاني نسيته
امبييييه شسوي
محمد : وليش و انت شكنت تسوي
لووول مالت على الباميه انا نسيت مره وحده لوووول شسوي محمد
محمد : خلاص خل المشكله علي و انا بتصرف خلنا من السالفه الحين صليت الظهر ؟؟
أي صليت بعد ما ييت هني
المهم تبادلنا الحديث حسيت أنه انسان متفهم و مو معقد مثل ما سمعت و حسيت اني انا المعقد صراحه كل ما أشوف طيبة قلبه احس بشعور الندم
إي و الله الندم
مرت ساعات و بعدها طلعت من المستشفى و مرت الايام وطلع أبوي و محمد من المستشفى حسيت بسعاده لعودتهم لنا
صراحه نوّروا المنطقه بدخولهم اياها
مرت الايام و بدينا نتواصل أكثر كبرت علاقتي مع محمد.. و هملت أصحابي
>>طبعا قبل ما انسى محمد كلم مدرس الكالكولس و هو يعرف محمد فقاله و اقنعه أنني كنت ناسي و السبب ابوي اللي كان مريض كان شاغل باله و عاد الدكتور لي الامتحان و خذيت العلامة الممتازة فيه نعم حصلت على A

مرت الايام و محمد كله وياي نطلع البحر و البر نكشت مع بعض و كنا دايما نتناصح و كان محمد كل ربعي و احس محمد كافي عن كل صديق
نعم محمد ملأ حياتي و ملأها بالسعاده و حب الرحمن و طاعته كان حنون علي و يحب يمدح كل عمل أسويه حتى لو بسيط و كان يحرصني على طاعة الوالدين و حرصني على العبادات و كنا نطلع كل مكان بخاطرنا و حتى انه صار جزء من حياتي و أذكر لكم شلون كانت علاقته أقوى من اقربائي
كنت لما يسير الليل نحط التلفون يم راسنا اللي ما ينام يدق على الثاني : هااا نمت ولا لا...؟؟؟.... و هو جذي لين نطخ و ننام
المهم دخلنا النت بدينا ندخل النت و كان يحرصني على المواقع المفيده مثل صيد الفوائد و مواقع المشائخ الكبار و كنا ندخل منتدى مرح حييل و كنا نمرح و اكثر شيء كنا بقسم المرح و المسابقات و كنا نلعب و نضحك على بعض و من تدخل بنت بيننا كنا نلعب ولا جنها موجوده يعني تعلق علينا و تقول انتوا كله مع بعض كنا نعطيها طاف و نلعب و نضحك و بعدها دخلنا الماسنجر

هني سالفتي مع الماسنجر مو احيانا تنضاف بدون ما تدري لكن تطلع لك رساله إضافه .فكنت أضيف اللي يدخل و فجأه دخل ولد وكان يعرفني عدل و ما كنت اعرفه خذتنا السوالف لين اكشفلي بعدين عقب ما ضحكنا و قالي تصدق عاشق الهمر احبك موووت
قتله لاه ههههه و ضحكت و بدي يوصفني و يقول ياحلات سوالفك و ياحلات صوتك واااي تينن المهم ما توقعت ولد يقول جذي المهم حاولت استدرجه بالكلام و بعدها فاجأني بكلمه قذرة للأسف الشديد ....... اسمحولي اتنزه أقولها بس مجملها هي ما تنقال

من قذارتها و بسرعه قالي: انا بنت أصلا و ضحك و بعدها و المهم اهني يتني قشعريره و سكرت المسنجر، المهم دقيت على محمد و كان عنده درس في احد المساجد فشغل تلفونه و سمّعني المحاضرة فسديته و فهمت انه عنده محاضره
هذي الحركه أستعملها معااه لما يكون عندنا درس او محاضره ... لما يرن التلفون يرد علي بس ما يتكلم بس يبطله و المحاضر طبعا يتكلم فافهم منه انه بمحاضره او درس
المهم نطرت ساعه و دقيت عليه و قلت له ابيك ضرووري كلامي طويل المهم قالي : اشرايك نروح مطعم برجركنج لاني حدي يوووعاان وودي اسمع شعندك........ و اتقنا و رحنا

وصلنا المطعم و كنت يايب لاب تووب المهم فتحنااه هنااك و قالي شالمشكله قتله : بالمسنجر و السالفه كذا و كذا
المهم قالي : حصل خير يا احمد هذا درس لك علشان ما تضيف أي أحد ما تعرف منو.... الحمدالله ما كان هكرزز جان رحت وطي و تسكر جهازك بسبت الفيروس المهم.. أطلبك أحمد طلب ؟؟

قلت : ههههههههه وليش اطلبك قول غصبن عليك تنفذ الطلب
المهم ضحكنا و قالي طلبتك و اأمرك يالله ههههه أنك تترك الماااااااسنجر و الدردشااات و السخافااات هذي اللي مالها اول و تالي
توعدني يا اغلى احمد ؟؟؟
قلت : اوعدك و احلفلك حلف يمين اني ما ادخله علشان اعيونك يا بعد طوايفي محمد ..

ابتسم محمد ابتسامة رضا و قالي : تدري أحمد احس اني ماني قادر استغني عنك
قاطعته : و انا بعد ولا تفكر تسافر إلا معاي و ضحكنا و خذتنا السوالف و الاكل لين خلصنا
المهم طلعنا و قلت لمحمد : اشريك نسافر بروحنا نرووح مكه،، ترى حدي متشوق لها ..
وافقني و قالي يالله شالمانع و طبعا احنا بعطله الربيع ..
و قتله و نرووح الخبر و أبها بعد بسياره شنو قلت ..
قالي يالله شالمانع و بعدها قلت لأمي،، اول شيء أرفضت و حنيت و حنيت لين رضت و قلت لابوي و قالي : و النعم مع محمد توكل على الله و حافظكم ربي يا عيالي ...
خواتي عصبواا و حنوا على أبوي انهم يسافرون و مساكين ما حصل لهم و قعدت اطالعهم و أضحك و أدخّل اغراضي و ازهّب قشي لاني أحب اكثّر ملابس لاني مالي خلق كل يوم اغسلهم يعني رايح للسفر علشان الوناسه ولا علشان أجابل الغساله و أنظف ؛)

المهم مر يومين من السالفه و اتفقنا الفجر نطلع من البيت,, اتغدينا و طلعنا من الكويت الغاليه إلى أهلنا و جيراننا الاعزاء السعوديه ..
مرينا على الخفجي و الحفر و الطريج طويل و كنا ماخذين الهمر،، ليش؟؟ كبيره و ضخمه تكفي المقشه كلها و كنا نتبادل الاماكن بين فترات يعني مره انا مره هو يسوق
طول الطريج نسمع شريط احمد العجمي و نسكره و ناكل و نسولف و نضحك و أقرا كتاب و اهو يعلق و نضحك و كنت يايب كتاب الالغاز كنا نلعب و إن ما عرفنا قلنا اجابه بعييييده عن السؤال و هذا حالنا كنا أثنين ما نفترق ..
ياني النوم و نمت و محمد يسوووق
ساااق محمد لفترات طويله
و كنت نايم ولا ادري وين وصلنا بالضبط المهم ما وعيت ولا توقف السياره بريييييييك قوي فزيت من النوووم و لاني اخترعت و جسمي يه جدام شوي و قتله اشفيك
قالي : قووم ههههههههههه اخترعت بس مالي خلق أقعدك فلزمت بريييك قوي هههه
انبطت جبدي و بغيت اطيره بره السيارة و هو قابلني بابتسامه نستني البريك و ضحكت و قتله اراااويييييك محمدين ..

ضحكنا ببراءه و مرح ،، المهم رحنا رحلاتنا بالخبر و أبها اللي كلها ضحك صراحه <<< ولا الشواذي كنا نودي لهم الخبز و نضحك على اشكالهم و شفاحتهم المهم ووصلنا مكه و كانت اجمل لحظات الايمان و في بيت الرحمن و طاعة المنان
الحرم كااان من اجمل البقااع و كنا ما نفوت ولا صلاة ..
شفنا مناظر محزنه و شكرنا الله على نعمة المال و الخير اللي بس نقطه ولا نحس فيه ..

تعلمت من محمد التواضع و حسيت اني سخيف لما اتباها بشيء غريب محد عنده منها كنت استحقر نفسي الله الغني و نحن الفقراء تلاقي صج انا عندي خير و غني لكن تلاقي الفقير اغنى منك بالأيمان وزاده ليوم الحساب اغنى منك ليش تكابر يا احمد نعم انا كنت مغروور للاسف الشديد و الحين ندمان و حبيت التواضع و الحمد الله رسخت هالميزه فيني بفضل الله ثم بفضل محمد عزز الثقه بنفسي و قالي جاااهر بالحق انصر الحق و هذا الشعار اللي احتفظ منه ..
(( خل الحق طريجك حتى لو ما كان الحق حبيبك او رفيجك ))



و ردينا
و في طريجنا للكويت







.............>.............>..............

قرب صوت الفراااق !!!!

نعم الفااااااجعه

للقصه بقيه ...................